Calm my heart هدوء القلب

15 أكتوبر



 انتهاء عزلتي الاولى
  PM 12:50
   14 Oct



" يد الله فوق يدي ّ .. فوق قلبي .. فوق كل ما اشعربه .. "

سعيده جدا لأنني استطيع ان اشتاق الى قلبي واحتضنه, سعيده جدا لانني احترم قلبي وكل نبضاته ..



تصير معي كثير هالعزله احس بحاجه ترتيب من جديد احس بحوسه بكل مشاعري ب اهتماماتي
 وبحياتي وبنظامي الغذائي > واضح افكر بالغدا
فرحانه ومبسوطه وبصحه وعافيه وكل اللي حولي بخيرالحمد الله , بس متنحه , فبالي اشياء كثيره افكر فيها لدرجه اني افكر حاليا بالغدا و ب اشياء لذيذه 
احس مريت بفهاوه عمري بحياتي ما وصلت لها 
افكر بكل شيء بالحياه بالموت بالمستقبل بالسعاده بالحزن بالاصحاب بالاشتياق وكثثييير كثيرر وشوي اروح لبعيدد لعالمي اللي احبه افكر ب الطموح والهدف وحياتي المسقبليه بالتعليم وايش حققت وايش هي امنياتي واحلامي
مرات ابعععد عن كل هذا وافكر بالناس والعقليات وكيف التعامل مع البشر
 احس عندي قوه خارقه اني افكر ب اشياء كثيره بوقت  واحد سواء هالاشياء حلوه او مو حلوه  . . 
اصير انسانه واسعه الخيال . . 
نعمه من ربي اني اقدر افكر واقدر احضن كل افكاري وارتب كل اللي ملخبطني   .. 
احس فعلا بهدوء بقلبي


احب هالعزله ..حيل  ..  لانها تخليني انسانه
 قويه , مؤمنه , سعيده , طموحه , متأمله , ذكيه , واعيه  , هاديه , جميله , انيقه , مبتسمه  تخليني مرتبه ..
دايم اقول ..
ما ينفع نعيش بدون مانفكر
ماينفع نعيش بدون ما نجلس مع نفسنا 
لازم احب نفسي و اعطيها وقت عشان نستعد للمستقبل 
 بتساعدك هالعزله اذا كنتي متلخبطه معفوسه ماعندك روتين تحبينه عادي احط منبه كل يوم 6 الصباح وانا ماعندي دوام 
لاني احب الصباح وصار لي فتره ما اصحى للوقت اللي احبه فاقده جوي 
زعلت انو يومي يخلص وانا ما سويت شيء احبه زعلت اني اصحى افطر اي كلام وانام ع كيفي ب اي وقت 
زعلت اني يمر يوم وانا ما فيني اتكلم مع احد منفسه الاخت ما تبى تتكلم لين تروق 
زعلت اني ودي اطلع بس جاني النوم ف اكنسل عادي ما يهمني احد اهم شيء انام
 زعلت اني اصور وانسى اني صورت ...؟
هههههه زعلت اني سجلت لقدرات الجامعين وانا طافني تسجيل الدبلوم لاني ما عندي وقت لنفسي شاطبه ع نفسي 
لحقت نفسي  ذاكرات وسجلت اختبار قدرات الجامعين  
اختبرت وجبت درجه كويسه حمدالله ..

 ...
تكلمي مع نفسك عادي , ألزم ما عليك نفسك وش ملخبطك يا عزيزتي
صدقيني ب توصلين ل اجمل نقطه بقلبك 


افتش عن "..

 ريما .. ادورنـــــي ويـنــي؟


ابد والله كنت اقول اجازه ومناسبات ولخبطت نوم وسهر بدون اي هدف مو حلوه الحياه وانتي ما عندك مساحه خاصه فيك تحبينها 
 دخلت هالعزله اللي متعوده ألجا للتفكير أذا حسيت اني مستصعبه على نفسي اشياء كثيره 
عندي وقت بس مو معطيته اي اهتمام 
ازعل على نفسي اذا تخليت عن وقتي اللي احبه .. 
اشتقت للتدوين , والتصوير والبلوقرز صحباتي ونافذه المدونات واشياء كثيره .. واكثر شيء ما توقعته سؤالكم
فتره الهدوء الطويله كنت احاول اني اصور لو شيء بسيط  احس مالي نفس مو مقتنعه اني بصور وانا مزاجي وتفكيري ب اشياء كثيره ف كنت أأجل كل شيء لين ارتبني من اول وجديد 
لازم احب الشيئ عشان احس فيه .. حرفيا اهتم بكل شعور جواتي وما احب اي تأثير يغيرني 



شكرا لكم شكرا لكلماتكم الجميله وسؤالكم  ..
هذه الاجابه ع كل كلمة ويــــنك ؟؟ 











You Might Also Like

5 التعليقات

  1. هذا النوع من التدوينات أسميه تنفس وإعادة ترتيب، وهو يفيد صاحبته كثييير ..

    "إن لنفسك عليك حقا" كثير ننسى هذا الشيء للأسف وتبعثر أنفسنا فيما حوالينا.. كل شيء يحاول يستهلكنا ويشتتنا لدرجة أن ننسى من نحن، وشو نحب وننسى جمال روحنا واللي يحببنا فينا..

    الكتابة دائما تلملمنا وتعيدنا إلى جادة الطريق، وتخلي أهدافنا نصب عينا..

    ردحذف